മക്ക: അത്യാഹിതങ്ങളില്‍ അടിയന്തിര സേവനം ലഭ്യമാക്കുന്നതിന്‌ മക്കയില്‍ 5 ഹോയ്സര്‍ ഹെലികോപ്റ്ററുകള്‍ രംഗത്തെത്തി. തീകെടുത്തുന്നതിനും, അടിയന്തര ആരോഗ്യ സേവനം നടത്തുന്നതിനുമാണ് പ്രധാനമായും ഇത്തരം ആധുനിക ഇനം ഹെലികോപ്റ്ററുകള്‍ ഉപയോഗിക്കുന്നത്. മക്കയിലേക്ക് എത്തുന്ന എല്ലാ റോഡുകളിലും ഹറമിനടുത്തും സുരക്ഷാട്രാഫിക് നിരീക്ഷണത്തിനായി ഹെലികോപ്റ്ററുകള്‍ ചുറ്റിക്കറങ്ങുന്നുണ്ട്. ഏത് പ്രതികൂല കാലാവസ്ഥകളിലും പറക്കാന്‍ കഴിയുന്ന ഈ ഹെലികോപ്റ്ററുകള്‍ക്ക് നൂതന വയര്‍ലസ് സംവിധാനവും ഇരുട്ടില്‍ കാണാന്‍ കഴിയുന്ന ക്യാമറ സംവിധാനങ്ങളുമുണ്ട്. ടവറുകളിലെ അടിയന്തര സേവനത്തിനും ആംബുലന്‍സ് സേവനത്തിനുമെല്ലാം ഇത്തരം ഹെലികോപ്റ്ററുകള്‍ ഏറെ സഹായകമാകുമെന്ന്‌ സിവില്‍ ഡിഫന്‍സ് എയര്‍ കമാന്‍ഡര്‍ മേജര്‍ ജനറല്‍ മുഹമ്മദ് ബിന്‍ ഈദ് അല്‍ ഹര്‍ബി പറഞ്ഞു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ