കോഴിക്കോട്: മദ്‌റസാധ്യാപകരുടെ ഉന്നമനത്തിന് വേണ്ടി സര്‍ക്കാര്‍ സംവിധാനിച്ച മുഅല്ലിം ക്ഷേമനിധി സമ്പൂര്‍ണ്ണമായും പലിശ മുക്തമാക്കാനുള്ള സര്‍ക്കാര്‍ തീരുമാനം സ്വാഗതാര്‍ഹമാണെന്ന് കാന്തപുരം എ പി അബൂബക്കര്‍ മുസ്‌ലിയാര്‍ പ്രസ്താവിച്ചു. കോഴിക്കോട് കാലിക്കറ്റ് ടവറില്‍ കോഴിക്കോട് ജില്ലാ സംയുക്ത മഹല്ല് ജമാഅത്ത് സംഘടിപ്പിച്ച മഹല്ല് ജമാഅത്ത് ഭാരവാഹികളുടെ സംഗമം ഉദ്ഘാടനം ചെയ്യുകയായിരുന്നു അദ്ദേഹം.പലിശ നിഷിദ്ധമാണെന്ന് പഠിപ്പിക്കുന്നവര്‍ പലിശപ്പണം സ്വീകരിക്കേണ്ട ഗതി കേടായിരുന്നു നേരത്തെയുള്ള രീതിമൂലം ഉണ്ടായിരുന്നത്. അതില്‍ നിന്ന് വിഭിന്നമായി പൂര്‍ണമായും ട്രഷറി മുഖേനയുള്ള നിക്ഷേപം പൊതുവെ സമൂഹത്തില്‍ സാമ്പത്തികമായി പിന്നാക്കം നില്‍ക്കുന്ന മദ്‌റസാ മുഅല്ലിംകള്‍ക്ക് കുറെ ഗുണം ചെയ്യുമെന്നതില്‍ രണ്ടഭിപ്രായമില്ല.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ