കാസര്‍കോട് : എന്ഡോസള്ഫാന് അനുകൂലമായി കേന്ദ്രസര്‍ക്കാര്‍ സുപ്രീംകോടതിയില്‍ സമര്‍പ്പിച്ച സത്യവാങ് മൂലത്തിന്റെ കോപ്പി പുതിയ ബസ് സ്റ്റാന്റ് പരിസരത്ത് ഒപ്പുമരച്ചോട്ടില്‍ എന്ഡോസള്ഫാന് വിരുദ്ധ സമിതി പ്രവര്‍ത്തകര്‍ കത്തിച്ച് പ്രതിഷേധിച്ചു. കേരള ആരോഗ്യ മന്ത്രി അടൂര്‍ പ്രകാശന്റെ പ്രസ്താവന സംസ്ഥാന മന്ത്രിസഭയുടെ പ്രഖ്യാപിത നയതീരുമാനത്തിന് വിരുദ്ധമാണെന്ന് സമരസമിതി അഭിപ്രായപ്പെട്ടു. ആരോഗ്യമന്ത്രിയുടെ ഇരട്ടത്താപ്പ് നയം അവസാനിപ്പിക്കണമെന്നും, പ്രസ്താവന പിന്‍വലിച്ച് ജനങ്ങളോട് മാപ്പു പറയണമെന്നും സമിതി ആവശ്യപ്പെട്ടു.
ആഗസ്റ്റ് ആറുമുതല്‍ ഒമ്പതു വരെ സംസ്ഥാനത്തിലുടനീളം കോളേജുകളിലും, വിദ്യാലയങ്ങളിലും എന്ഡോസള്ഫാന് വിഷയത്തില്‍ വിവിധ തരത്തിലുള്ള പ്രതിഷേധ പരിപാടികള്‍ സംഘടിപ്പിക്കണമെന്നും സമരസമിതി അഭ്യര്‍ത്ഥിച്ചു. എന്ഡോസള്ഫാന് വിരുദ്ധ സമര സമിതി ചെയര്‍മാന്‍ നാരായണന്‍ പേരിയ, കണ്‍വീനര്‍ പി വി സുധീര്‍ കുമാര്‍ എന്നിവരും രാഷ്ട്രീയസാംസ്‌കാരിക പ്രവര്‍ത്തകര്‍ പരിപാടിയില്‍ സംബന്ധിച്ചു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ