താഷ്‌ക്കന്റ്: മധ്യേഷ്യയുടെ സാംസ്‌കാരിക തലസ്ഥാനമായ ഉസ്‌ബെക്കിസ്ഥാന്റെ ചരിത്ര ഭൂമികയിലൂടെ പഠനപര്യടനം നടത്തുന്ന മഅ്ദിന്‍ നോളജ് ഹണ്ട് സംഘത്തിന് രാജ്യത്തിന്റെ വിവിധ ഭാഗങ്ങളില്‍ ഊഷ്മള വരവേല്‍പ്പ്. സാംസ്‌കാരികമായും സാമൂഹികമായും മതപരമായും ഇന്ത്യയുമായി ഏറെ അടുപ്പമുണ്ടായിരുന്ന ഉസ്ബക്കിസ്ഥാനില്‍ ഗവേഷണ സംരംഭങ്ങള്‍ക്ക് തുടക്കമിട്ടനെ ഏവരും ശ്ലാഘിച്ചു.
മഅ്ദിന്‍ ചെയര്‍മാന്‍ സയ്യിദ് ഇബ്രാഹിമുല്‍ ഖലീലുല് ബുഖാരിയുടെ നേതൃത്വത്തിലുള്ള സംഘത്തെ സമര്‍ക്കന്തിലെ ഇമാം ബുഖാരി അന്ത്യവിശ്രമം കൊള്ളുന്ന പള്ളിയുടെയും കള്‍ച്ചറല്‍ സെന്ററിന്റെയും തലവനും മുഫ്തിയുമായ ശൈഖ് അബ്ദുല്ല മഹ്്മൂദ് ബുഖാരിയുടെ ആഭിമുഖ്യത്തിലാണ് സ്വീകരിച്ചത്. വിശുദ്ധ ഖുര്‍ആനിനുശേഷം ഏറ്റവും ആധികാരികമായ ഹദീസ് ശേഖരണം നടത്തിയ ഇമാമിന്റെ ജീവിതവുമായി ബന്ധപ്പെട്ട വിവിധ സ്ഥലങ്ങള്‍ സംഘം സന്ദര്‍ശിച്ചു. ഉസ്‌ബെക്ക് തലസ്ഥാനമായ താഷ്‌കന്റ്, പൈതൃക നഗരമായ ബുഖാറ എന്നിവക്കു ശേഷമാണ് തിര്‍മുദിയും സന്ദര്‍ശിച്ചശേഷമാണ് തിരിച്ചെത്തുക.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ