കാസര്കോട്: രാജ്യത്തെ വിവിധ സംസ്ഥാനങ്ങളില് മുസ്ലിംകള് നേരിടുന്ന വിദ്യാഭ്യാസ-സാമൂഹിക പിന്നാക്കാവസ്ഥ മാറ്റിയെടുക്കുന്നതിന് ദേശീയതലത്തില് ക്രിയാത്മക മുന്നേറ്റങ്ങളുണ്ടാകണമെന്ന് സമസ്ത കേന്ദ്ര മുശാവറ വൈസ് പ്രസിഡന്റ് എ കെ അബ്ദുറഹ്മാന് മുസ്ലിയാര് അഭിപ്രായപ്പെട്ടു.
കാസര്കോട്ട് നടന്ന എസ് എസ് എഫ് സൗത്ത് സോണ് മീറ്റ് സമാപനസംഗമം ഉദ്ഘാടനം ചെയ്യുകയായിരുന്നു അദ്ദേഹം. കേരളത്തില് പണ്ഡിതനേതൃത്വത്തിന് കീഴില് ശക്തമായ പ്രവര്ത്തനം വഴി നേടിയെടുത്ത വിദ്യാഭ്യാസപരവും ധാര്മികവും സാമ്പത്തികവുമായ അഭിവൃദ്ധി മാതൃകാപരമാണ്. ഈ മാതൃകയില് അഖിലേന്ത്യാ തലത്തിലേക്ക് പ്രവര്ത്തനം വ്യാപിപ്പിക്കണം. മാനവികതയെ ഉണര്ത്തുന്നതിനായി കേരളത്തിലെ സുന്നി സംഘടനകള് തുടങ്ങിയ ദൗത്യം രാജ്യവ്യാപകമായി പ്രചരിപ്പിക്കേണ്ടതുണ്ട് -അദ്ദേഹം പറഞ്ഞു.
കേരള, കര്ണാടക, ആന്ധ്രപ്രദേശ് , അന്തമാന് നിക്കോബര്, ലക്ഷദീപ് മേഖലകളില് എസ് എസ് എഫ് പ്രവര്ത്തനം ഏകീകരിക്കുന്നതിന്റെ ഭാഗമായാണ് സൗത്ത് മീറ്റ്. റിവ്യൂ ഡിസ്കഷന്, വിഷന് 2013, ഡ്രീം പ്രോജക്ട്, ഇസ്ലാമിക് ദഅ്വ, അന്താരാഷ്ട്ര വീക്ഷണം, തുടങ്ങിയ സെഷനുകള്ക്ക് എം മുഹമ്മദ് സാദിഖ്, അബ്ദു റൗഫ്, ആര് പി ഹുസൈന്,വി പി എം ബശീര്, എന് എം സാദിഖ് സഖാഫി, മുഹമ്മദലി സഖാഫി തൃക്കരിപ്പൂര് നേതൃത്വം നല്കി. യോഗം എസ് എസ് എഫ് ദേശീയ സമിതി ചെയര്മാന് സയ്യിദ് മുഹമ്മദ് തുറാബ് തങ്ങള് സഖാഫി നേതൃത്വം നല്കി.സൗത്ത് സോണ് ചെയര്മാന് അബ്ദുറഷീദ് സൈനി അധ്യക്ഷത വഹിച്ചു. വിവിധ സംസ്ഥാനങ്ങളെ പ്രധിനീകരിച്ച് കെ അബ്ദുല് കലാം (കേരള) സിദ്ദീക് മുന്ടുഗോളി(കര്ണാടക) മുഹിദ്ദീന് സഖാഫി(തമിഴ്നാട്) മുഹമ്മദ് സാദിഖ്(ആന്ധ്ര)കെ കെ ശമീം റിപ്പോര്ട്ട് അവതരിപ്പിച്ചു. യോഗത്തില് മൂസ സഖാഫി കളത്തൂര്, മജീദ് അരയല്ലൂര്, എ എ ജാഫര് പ്രസംഗിച്ചു. ബശീര് ചെല്ലക്കൊടി സ്വാഗതവും ആര് പി ഉസൈന് നന്ദിയും പറഞ്ഞു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ